ҚАТОРЛАБ ЭКИШ — қ. х. экинларини экишнинг асосий усули. Бунда уруғлар ораси бир хил кенгликдаги параллель қаторлар тарзида экилади. Қаторлаб экишнинг кўпгина хиллари: пунктир, қатор уялаб, қўш қаторлаб, шунингдек, ҳар бир уяга белгиланган ёки аниқ миқдорда экиш усуллари мавжуд. Қаторлаб экишнинг аниқ миқдорда уруғ ташлаб экиш усули энг самарали ҳисобланади (уруғлик сарфи 2—3 баравар камаяди), яганалашга ҳожат қолмайди.
Қаторлаб экиш экин қатор ораларини ишлашда, ўғит солишда, ўсув даврида, суғоришда, қ. х. зараркунандаларига қарши курашда, шунингдек, ҳосилни йиғиб олишда қ. х. техникасидан кенг фойдаланишда қулайлик туғдиради.