ТЕРМОЭЛЕКТРОН ЭМИССИЯ

ТЕРМОЭЛЕКТРОН ЭМИССИЯ, Ричардсон эффекти — ўтказгичлар, қаттиқ ва баъзан суюқ жисмлардан иссиклик энергияси таъсирида электронларнинг вакуум ёки бошка мухитларга чикиш ҳодисаси. Бу ҳодиса вакуумда тоза металлар (W, Мо, Та) дан 2000—2500 К трада ва мураккаб яримутказгичли катодлардан 1000 К трада кузатилади. Электронлар жисм сирти (эмиттер) дан ташқарига чиқиши учун жисм чегарасидаги потенциал тўсиқни енгиши зарур; паст траларда бу тўсиқни енга олмайди. Металл қиздирилганда электронларнинг кинетик энергияси ортиб, сиртдан ўтиб, сирт атрофида фазовий заряд ҳосил қилади. Фазовий заряднинг электр майдони Термоэлектрон эмиссия жараёнини сусайтиради. Бунинг олдини олиш учун фазовий заряддан маълум масофада электрод (анод)га мусбат потенциал берилиб, фазовий заряд тортиб олинади, яъни термоэлектрон ток ҳосил қилинади. Термоэлектрон ток эмиттер — катод хоссасига, анод кучланишига ва трага боғлиқ. Термоэлектрон эмиссия токининг максимал тўйиниш қийматининг кучланишга боғликлиги Чайльд — Ленгмюр формуласи билан ифодаланади. Термоэлектрон эмиссия кўпгина электровакуум асбоблар ва ион асбоблар ишлашининг асоси ҳисобланади. Уни дастлаб 1900—01 й. ларда О. У. Ричардсон ўрганган. Ричардсон — Дэшман формуласи яримўтказгичли эмиттерлар учун ҳам ўринли, аммо бунда Термоэлектрон эмиссия ҳодисасининг моҳияти металларникидан фарқ қилади. Термоэлектрон эмиссия катодлар ишлаб чиқариш, электровакуум ва газразряд қурилмаларнинг асосини ташкил этади.

Ад.: Добрецов Л. Н., Гомоюнова М. В., Эмиссионная электроника, М., 1966; Фоменко B. C., Эмиссионные свойства материалов, Киев, 1970; Никонов В. П., Оксидный катод, М., 1979.

---

Кирилл алифбосида мақола: ТЕРМОЭЛЕКТРОН ЭМИССИЯ ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)