ВАРЗОБ

ВАРЗОБ, Душанбадарё — Тожикистоннинг ғарбидаги дарё, Кофарниҳон дарёсининг ўнг ирмоғи. Уз. 71 км, ҳавзасининг майд. 1740 км2. Ҳисор тизмасининг жан. ён бағридаги (4000 — 4800 м) доимий қор ва музликлардан бошланади. Ўртача йиллик сув сарфи 54 м’/сек (Душанба ш.). В. серсув, максимал сув сарфи апр. ойларига тўғри келади. Варзоб юқори қисмда тор ва чуқур водийда, серостона ва жуда нишаб ўзанда оқади, шаршаралар бор. В. нинг суғориш ва энергетикада аҳамияти катта. Варзобда ГЭС каскадлари ишлаб турибди. Варзоб буйида Душанба ш. жойлашган.

---

Кирилл алифбосида мақола: ВАРЗОБ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)