ТРАНЗИСТОР

ТРАНЗИСТОР (инг. transfer — кўчирмоқ ва резистор) — электр тебранишларни кучайтириш, генерациялаш (ҳосил қилиш) ва ўзгартириш учун мўлжалланган 3 электродли яримўтказгич асбоб. Микроэлектроника қурилмаларининг асосий элементи. Америка олимлари Ж. Бардин, У. Браттейн ва У. Шокли 1948 й. да ихтиро қилишган. Тузилиши ва токни бошқариш механизмига кўра, Транзистор 2 катта синфга: биполяр (оддий Транзистор) ва униполяр (дала Транзистори) синфларга бўлинади. Транзисторлар кичик қувватли ва кам шовқинли; импульсли; паст, юқори ва ўта юқори частотали; фото Транзисторлар (ёруғлик сигналларини электр сигналларига ўзгартирувчи) ва б. турларга бўлинади. Транзисторлар, асосан, германий, кремний ва б. монокристалл яримўтказгич материаллардан ясалади. Халқ орасида ихчам микроэлектрон радиоприёмниклар ҳам Транзистор деб юритилади.

---

Кирилл алифбосида мақола: ТРАНЗИСТОР ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)