ТРОЯ УРУШИ

ТРОЯ УРУШИ — юнон эпослари «Илиада» ва «Одиссея»да баён қилинишича, Микен шоҳи — Агамемнон бошчилигида ахейялик шоҳлар иттифоқининг Трояга қарши олиб борган 10 йиллик уруши. Ахейларнннг Трояни забт этиши билан тугаган. Трояда олиб борилган археологик қазиш ишларининг кўрсатишича, мил. ав. тахм. 1260 й. да шаҳар узоқ муддатли қамални бошидан кечирган ва вайрон қилинган. Шундай қилиб, юнон афсоналаридаги маълумотлар тасдикланган. Эпос маълумотларига кўра, троялик шаҳзода Парис томонидан Спарта шохи Менелайнинг қизи — гўзал Еленани ўғирлаб кетилиши Троя урушига сабаб бўлган. Менелай ва унинг биродари Агамемнон юнон давлатлари шохдарини ёрдамга чакириб катта флот билан Троя соҳилларига йўл олган. Троя шоҳи Приамга фригиялик, ликиялик, фракиялик иттифокчилар ёрдам берган. Юнонлар Трояни 10 йил қамал қилганлар ва ҳийла билан уни эгаллаганлар (қ. Троя оти). Асосан, буюк жангчиларнинг яккамаякка олишувидан иборат бўлган ҳарбий ҳаракатларда юнонахейлардан Ахилл, икки Аякс, Патрокл, Агамемнон, Одиссей ва б., трояликлардан — Гектор, Главк, Сарпедонт ва Эней шуҳрат крзонишган. Трояликларнинг мағлубияти дарийлар томонидан Юнонистондан сиқиб чиқарилган ахейларнинг бир қисмини Кичик Осиёга кўчиб ўтишини енгиллаштирган.

---

Кирилл алифбосида мақола: ТРОЯ УРУШИ ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)