ВИДЕОЁЗУВ

ВИДЕОЁЗУВ — телевизион, радиолокацион ва б. тасвир ҳамда товуш сигналларини магнит лентага, дискка (қ. Магнит ёзув) ёки кинолентага (қ. Фотографик ёзув) ёзиб олиш ва қайта кўрсатиш ҳамда эшиттириш. Телекўрсатувлар, видеофильмлар, ҳужжатли ва бадиий дастурларни сақлаб қўйиш ва зарур пайтларда товушли қилиб қайта кўрсатишга имкон беради. Видеоёзувдан ўқув мақсадларида ҳам кенг фойдаланилади. Видеоёзувни видеомагнитофон орқали амалга оширишнинг сигналларни кинолентага ёзиб олишдан анча афзаллиги бор, чунки унда плёнкага ишлов бериш, босиб чиқариш ва монтаж қилишдек мураккаб жараёнларга эҳтиёж бўлмайди. Видеомагнитофонда дастурни тўлиқ, қисман, у ер, бу еридан кўрсатавериш мумкин. Бир лентанинг ўзига бир неча марта қайта Видеоёзувни амалга ошириш мумкин. Ҳужжатли теледастурлар (репортаж, интервью, суҳбат ва б.) ни тайёрлашда Видеоёзув томошабинда «ўзи ҳам иштирок этиш» таассуротйни ҳосил қилади. Видеоёзув ёрдамида «замон ва макон» муаммоси ижобий ҳал этилади, чунки у вақт ҳам «танламайди», жойни ҳам «писанд қилмайди», яъни Видеоёзувни ҳамма вақг, ҳамма ерда қўллаш мумкин.

---

Кирилл алифбосида мақола: ВИДЕОЁЗУВ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)