ТУБЕРКУЛИН — сил диагностикасида қўлланиладиган препаратлар. Одам ва ҳайвон организмида аллергик реакция ҳосил қилиб сил инфекцияси борйўқлигини аниқлаш учун қўлланади. Биринчи марта немис олими Р. Кох олган. Суюқ Туберкулин ёки Кох альттуберкулини сил бактерияси ўстирилган суюқликни буғлатиб олинади; қуруқ тозаланган Туберкулин (ППД) бактерия фильтратига оқсилларни чўкмага туширувчи кимёвий моддалар қўшиш ва уни кейин тозалаш йўли билан; суюқ тозаланган Туберкулин (ППДл) қуруқ тозаланган Туберкулинни бир хилда эритиб ҳосил қилинади. Аҳолини силга қарши ялпи текширувдан ўтказишда Туберкулин (қ. Манту синамаси)р,ан фойдаланилади.