ВИРУСЛИ ГРАНУЛЁЗ

ВИРУСЛИ ГРАНУЛЁЗ — ҳашаротлар, айниқса капалакларнинг вирусли касаллиги. Касалликни Bergoldiavirus туркумига мансуб вирус қўзғатади. Касаллик тўқима хужайраларидаги вируснинг таркибий қисми-гранула ёки доначаларнинг бўлиши (ташқи кўринишидан бактериялар спорасига ўхшайди) билан аниқланади. Кузги тунлам В. г. и «сохта сариқ» деб номланади ва у кўринишидан ипак қуртининг сариқ касаллигига жуда ўхшайди. Кузги тунлам барча ривожланиш даврида Вирусли гранулёз билан зарарланади. Инфекция зараркунанда организмига овқат б-н бирга киради. Вирусли гранулёздан микробиологик ҳимоя усулида фойдаланилади.

Гранулёз вируси асосида вирин-ОС препарати (ипак қурти учун безиён) ишлаб чиқилган. Препаратни озиқланиш даврида кузги тунламга қарши қўллаш мумкин. Зараркунандани 80—90% гача нобуд қилади. Титри 1 г да 4 млрд. гранула булган суспензия экинларга пуркалади. Суспензия сарф нормаси 100 г/га; иш суюқлиги 200 л/га.

---

Кирилл алифбосида мақола: ВИРУСЛИ ГРАНУЛЁЗ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)