ВОИСОВ

ВОИСОВ Болта (1892—Хоразм вилояти Хонқа тумани Мадир қишлоғи—1958) — кулол, кошинкор уста, Хоразм кулоллиги мактаби вакили. Ҳунарни отаси Воис кулол ва уста Мадрасулдан ўрганган. 20-а. бошларида Хива меъморий ансамблидаги йирик биноларни безашда кошинкор сифатида қатнашган. Мураккаб меъморий нақш мужассамотлари тузган, ёдгорликларни тиклаш учун кошинлар тайёрлаган. Нақшли сопол идишлар, айниқса қалами услубида нақшланган бодиялар тайёрлаш Воисов ижодида асосий ўрин тутади. Воисов ишларидан намуналар республика ва чет мамлакатлар музейларида сақланади.

---

Кирилл алифбосида мақола: ВОИСОВ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)