ВОКОДЕР (инг. voill coding — товушни кодлаш) —алоқа каналидан нутқ эмас, балки нутқни таҳлил қилиш натижасида ҳосил бўладиган сигналлар (кодлар) узатиладиган телефон алоқа тизими. Товуш сигналининг частота спектрини (товуш тўлқинлари йиғиндисиии) қисқартириб беради, бир нормал телефон алоқа канали ўрнида юздан ортиқ алоқа канали ҳосил қилишга имкон беради. Вокодер асосан товуш анализатори ва товуш синтезаторидан иборат. Товуш анализатори параллел ишдовчи бир неча электр фильтрдан тузилган. У узатилаётган товуш сигналларининг айрим хусусий белгиларини аниқлаб, уларни линияга узатади. Товуш синтезатори эса шу белгиларга қараб асосий товушни қайта тиклайди. Вокодернинг камчилиги шуки, тикланган товуш узатилаётган товушга ўхшамайди («механик товуш» ҳосил бўлади). Вокодер махсус алоқа йўлларида қўлланилади.
Марказий темир йўл вокзали (Тошкент, 2000).