ХАМЕЛЕОНЛАР

ХАМЕЛЕОНЛАР, буқаламунлар (Chamaeleontidae) — калтакесаклар туркуми оиласи. 90 тури маълум. Африка, Мадагаскар о. ва шу атрофдаги бошқа оролларда ҳамда Жан. Европа, Ғарбий ва Жан. Осиёда тарқалган. Танаси 60 см ча. Бўйни калта, узун думи спиралсимон ўралади. Оёкдари узун, беш бармокли, бармоқдари 2—3 тадан гуруҳ бўлиб тери ғилоф ичида жойлашган. Танаси шохеимон тангачалар ва тери ўсиқчалар билан қопланган. Кўз қовоклари ривожланган (кўзлари бир-биридан мустақил равишда ҳаракатлана олади). Кўпчилик X. ўпкасида халтасимон ўсикдари бўлади. Хавф сезганда кўп ҳаво ютади ва тана шакли ўзгариб, қўрқинчли туе олади. Ранги ёруғлик, тра ва б. таъсирида тез ўзгаради (номи шундан). Дарахт ва буталарда соатлаб ўлжасини пойлаб, кимирламай ўтиради. Узун тилини ўлжасига отиб, ёпиштириб олади. Ҳашаротлар билан, йирик турлари майда қушлар ва калтакесаклар билан озиқланади. Кўпчилиги тухум қўйиб (бир йўла 35 тагача), айримлари тирик (14 тагача бола) туғиб кўпаяди.

---

Кирилл алифбосида мақола: ХАМЕЛЕОНЛАР ҳақида тўлиқ маълумот категорияси: X ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)