ХЕКМАН (Heckman) Жеймс (1944.19.4, Чикаго) — америкалик иқтисодчи. Пристон университетини тугатган (1968). НьюЙорк ва Колумбия университетлари, Иқтисодий тадқиқотлар миллий бюроси ва «РЭНД» корпорациясида ишлаган. 1977 й. дан Чикаго университети проф. X. илмий ишлари меҳнат ресурслари, аҳолишунослик, «инсоний потенциал», давлат сиёсати, микроэконометрия соҳасида микро маълумотларни статистик таҳлил усуллари, хусусан, статистик танламани шакллантириш муаммоларига бағишланган. Нобель мукофоти лауреати (2000, Д. Макфадден билан бирга).