ХМЕЛЬНИЦКИЙ ВИЛОЯТИ

ХМЕЛЬНИЦКИЙ ВИЛОЯТИ (1954 й. гача Каменец-Подольский) — Украина таркибидаги вилоят. 1937 й. 22 сент. да ташкил этилган. Майд. 20,6 минг км2. Аҳолиси 1396 минг киши (2004), асосан, украинлар (90,8%); шунингдек, рус, поляк, яҳудий, белорус ва б. миллат вакиллари ҳам яшайди. Шаҳар аҳолиси 32%. Муҳим шаҳарлари: Хмельницкий, КаменецПодольский, Шепетовка, Славута. 20 туман, 24 шаҳарча бор. Маркази — Хмельницкий ш.

Табиати. Хмельницкий вилояти Подолия қирларининг марказий қисмида жойлашган. Иклими мўътадил, континентал. Ёзи илиқ ва сернам; июлнинг ўртача траси 19,4°; қиши юмшоқ, янв. нинг ўртача траси —5,6°. Йилига 563—622 мм ёғин тушади. Вегетация даври 217 кун. Дарёлари Днестр, Жан. Буг, Горинь, Случь. Тупроги, асосан, кам чириндили қоратупроқ, подзоллашган крратупроқ, сур ва оч сур тусли, қумоқ, чимлиподзоллашган, чимликарбонатли тупроклар. Хмельницкий вилояти, асосан, ўрмонли дашт зонасида. Ҳудудининг 13,4% ўрмон (дуб, қайин, тоғтерак, граб, заранг, жўка ўсади). Қуён, тулки, бўри, елик, лось, тийин, кемирувчилар бор.

Хўжалиги. Озиқ-овқат саноатида, айниқса, шакарқанд тармоғи ривожланган. Мойсир корхоналари, гўшт ктлари, сабзавотконсерва, пиво, қандолатпазлик саноат тармоқлари бор. Енгил саноат тармокларидан мовут и. ч., тикувчилик, трикотаж, кўнатторлик, пойабзал, йигирувтўқув тармоклари ривожланган. Станоксозлик ва асбобсозлик заводлари, электротехника, автоматлаштириш ва бошқарув системаси воситалари приборсозлиги, радиотехника, трактор ва қ. х. машинасозлиги, автоагрегат, машинасозлик (енгил ва озиқ-овқат саноатлари учун машиналар) заводлари бор.

Қ. х. галлачиликлавлагикорлик билан сутгўшт чорвачилигига ихтисослашган. Ғалла, сабзавот ва картошка, емхашак, техника экинлари экилади. Боғдорчилик ривожланган. Кррамол, чўчқа, қўй ва парранда боқилади. Ҳовуз балиқчилиги ва асаларичилик билан ҳам шуғулланилади. Т. й. узунлиги 732 км. Днестр дарёсида кема қатнайди. Хмельницкий ш. авиалиниялари орқали Киев, Львов, Черновци ва б. вилоятлар билан боғланган. 3 олий ўқув юрти, 3 музей, 2 театр, филармония бор.

---

Кирилл алифбосида мақола: ХМЕЛЬНИЦКИЙ ВИЛОЯТИ ҳақида тўлиқ маълумот категорияси: X ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)