ХОВРЕНКО Михаил Александрович

ХОВРЕНКО Михаил Александрович (1866.17.3, Степанакерт ш. 1940. 24.11, Тошкент) — виношунос-кимёгар олим. Ўзбекистонда вино саноати ташкилотчиларидан бири. Москва олий техника билим юртини тугатган (1892). «Магарач»да кимёгарвиночи, 1909 й. дан Москва қ. х. интида ўқитувчи, проф. (1912). 1927 й. да «Ўзбеквино» трестида бош виношунос ва Ўрта Осиё университетида (Самарқанд) проф. Кагор типидаги ва б. винолар и. ч. технологиясини соддалаштиришга имкон берувчи «розенштейнховренко усули»ни таклиф қилган; портвейн ва мадера тайёрлашда виноларни иссиқ (ҳароратда саклаб) етилтириш технологиясини ишлаб чиққан ва бу усул корхоналарда оммавий тарзда қўлланила бошланди. X. Ўзбекистонда узумчилик ва виночилик ривожига катта ҳисса қўшди. Ўзбекистонда ишлаб чикариладиган бир қанча винолар, жумладан, ликёр типидаги маркали «Ўзбекистон» ва маркали «Ҳосилот» винолари муаллифи. 1940 й. дан Самарканд шаров комбинаты унинг номи билан аталган.

---

Кирилл алифбосида мақола: ХОВРЕНКО Михаил Александрович ҳақида тўлиқ маълумот категорияси: X ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)