ХОРЕЗМСКАЯ ПРАВДА

«ХОРЕЗМСКАЯ ПРАВДА» («Хоразм ҳақиқати») — рус тилида чиқадиган ижтимоийсиёсий газета. Урганч ш. да ҳафтада 2 марта чоп этилади. Муассиси: Хоразм вилояти ҳокимлиги. Дастлаб, 1921 й. 6 июлдан Хивада «Известия Полномочного представительства РСФСР в Хорезмской Советской Республике» (Хоразм Совет Республикасидаги РСФСР мухтор вакиллигининг маданиймаърифий комиссияси органи сифатида), кейин «Последние вести» («Сўнгги хабарлар») номи билан рус тилида ҳафтада 3 марта чиқа бошлаган. 1927 й. 21 майдан шу газ. ўрнига «Инқилоб қуёши» газетасига русча илова — «Солнце революции» нашр этилган. 1941 й. 1 янв. дан ҳоз. номда.

Газ. га турли даврларда И. Бик, Г. Завельский, В. Николаев, П. Подварков, К. Сергеев, Г. Гулышш, Б. Переплеснин, П. Бородин, Е. Типикин, В. Мильготин, О. Демчик, Г. Раҳимбоева ва б. муҳаррирлик қилишган. Муҳаррири Р. Искандаров (1995 й. дан). Адади 1048 (2004).

---

Кирилл алифбосида мақола: ХОРЕЗМСКАЯ ПРАВДА ҳақида тўлиқ маълумот категорияси: X ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)