ЕТИМКАЛОС ТИЗМАСИ

ЕТИМКАЛОС ТИЗМАСИ — Сурхондарё вилоятидаги Сурхон-Шеробод қатор тепалари таркибига кирувчи тизма. Энг баланд жойи 1216 м. Уз. 8—10 км. Жан.-ғарбдан шим.-шарққа йўналган. Шим.-ғарбий ён бағри анча тик. Жан.шарқий ён бағри ётиқроқ, қуруқ сой ва тор даралар билан ўйилган. Етимкалос тизмаси бўр ва палеогеннинг қумтош, алевролит, оҳактош ва гипсидан ташкил топган. Айрим жойларда дағал тўқ бўз тупроқлар ювилиб кетганлиги туфайли туб жинслар очилиб қолган. Ён бағирларда қўнғирбош, илоқ, эфемероидлар, шунингдек, шаир билан бирга тоғ шувоғи, биюрғун, шўра, гулхайри, оққурай кенг тарқалган. Етимкалос тизмаси яйлов сифатида фойдаланилади.

---

Кирилл алифбосида мақола: ЕТИМКАЛОС ТИЗМАСИ ҳақида тўлиқ маълумот категорияси: E ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)