ЮСУПОВ Абдуазиз Юсупович

ЮСУПОВ Абдуазиз Юсупович (1927. 17.10, Самарқанд) — офтальмолог, Ўзбекистонда хизмат кўрсатган фан арбоби (1990). Тиббиёт фанлари д-ри (1967), проф. (1967). СамТИ нинг даволаш ф-тини тугатгач (1949), кўз касалликлари кафедрасида аспирант (1949—52), ассистент (1953—58), доцент (1958—68), ўқув ишлари бўйича проректор (1969— 74), кўз касалликлари кафедраси мудири (1974 йилдан), шу кафедрада проф. (1996 йилдан). Асосий илмий ишлари трахомацан кейин қовоқда бўладиган асоратларни жарроҳлик усулида даволаш, глаукома ва ўлкага хос кўз касалликларини ўрганишга оид. У илк бор узоқни яхши кўра олмаслик касаллигини даволашда кўзнинг шох пардаси ва оқсил пардасида операция ўтказиш усулини амалиётга жорий этган.

---

Кирилл алифбосида мақола: ЮСУПОВ Абдуазиз Юсупович ҳақида тўлиқ маълумот категорияси: Ю ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)