ЮТА

ЮТА — АҚШнинг ғарбий қисмидаги штат. Майд. 219,9 минг км2. Аҳолиси 2,31 млн. киши (2002). Маъмурий маркази — СолтЛейкСити шаҳри Ҳудудининг катта қисмини тоғ тизмалари (энг баланд жойи 4123 м) ва чуқур даралар билан кесилган чўл ландшафтли ясситоғлик эгаллайди. Шарқда Қояли тоғларга туташиб кетган. Янв. нинг ўртача т-раси —2° дан —4° гача, июлники 17—20°. Йиллик ёғин 250—400 мм. Асосий дарёси — Колорадо. Кўл кўп; энг йириги — Катта Шўр кўл. Аҳоли, асосан, воҳаларда яшайди. Хўжалигида кончилик ва қ. х. етакчи. Қ. х. маҳсулотларининг 75%ни чорвачилик беради. Суғориладиган ерларда қанд лавлаги, сабзавотлар етиштирилади. Фойдали қазилмалардан нефть, табиий газ, тошкўмир, мис, полиметаллар, олтин, темир ва уран рудалари қазиб олинади. Асосий саноат тармоқлари: рангли ва қора металлургия. Нефтни қайта ишлаш, кимё, озиқ-овқат, радиоэлектроника саноати корхоналари мавжуд. Ракета, қ. х. жиҳозлари ишлаб чиқарилади.

---

Кирилл алифбосида мақола: ЮТА ҳақида тўлиқ маълумот категорияси: Ю ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)