Dilfuza Rahimova - Ota-ona qadri

Ey azizlar, yaxshilik qiling bu hayotda,
Umrning o`tganin bilmay qolamiz.
Jon bordur, jon bordur qazo ham bordur albatta,
Qazoning yetganin sezmay qolamiz.

Duosin olaylik, jannat poyida,
Tiriklik chog`ida ota-onamiz.
Ortidan muruvvat qilmoq befoyda,
Ularning ketganin bilmay qolamiz.

Ko`ziga termulib bo`lamiz shodon,
Ko`zimiz gavhari, nuri bolamiz.
Sochga oq oralab, qomat ham kamon-ey,
Keksalik yetganin bilmay qolamiz,
Qarilik yetganin bilmay qolamiz.

Ayo farzand, eshit arzim,
Nasihat aylamoq qarzim,
Vali’ahdlarga ming ta’zim,
Otangning qadrini bilgin.

Seni dunyoga keltirgan,
Mehr bog`ida o`stirgan, (x2)
Boshingda soyabon bo`lgan,
Onangning qadrini bilgin. (x2)

Otang chin qadrdoning,
Boshingda misli osmoning, (x2)
Har joyda duoda doim,
Onangning qadrini bilgin.
Har yo`lda duoda doim,
Onangning qadrini bilgin.

Jo-o-on, o`tar bir kun bu olamdan,
Qolarsan ajrashib ulardan.
O`tar bir kun bu olamdan,
Kelarsan ajrashib ulardan.
Qanoting qayrilib chindan-ey,
Onangning qadrini bilgin.

Yomon yo`lga qarab ketma,
Ularni xoru-zor etma. (x2)
Hofiz dilin g`azab etma,
Otangning qadrini bilgin.
Hofiz dilin g`azab etma-ey,
Onangning qadrini bilgin.

Otangning qadrini bilgin,
Onangning qadrini bilgin.
Otang birla onangning qadrini bilgin.