LYUFFA

LYUFFA (Luffa), qozonyuvgʻich — qovoqdoshlar oilasiga mansub bir yillik oʻtsimon oʻsimliklar turkumi. Osiyo, Afrika va Jan. Amerika tropiklarida 6—8 turi usadi. Ikki turi — mevasi duksimon va silliq, uz. 50 sm gacha boradigan dov Lyuffa (L.cylindrica) va mevasi qirrali, uz. 15—30 sm boʻladigan kirrali L (L. acutangula) Xitoy, Hindiston, Yaponiya, Braziliya, Oʻzbekiston va b. mamlakatlarda ekiladi. Poyasi (palagi) uz. 5 m gacha boradi. Bar-gi yirik, gullari och sariq. Iyul — avg. da gullaydi, avg. —sent. da meva hosil qiladi. Hosildorligi 1 ga may-dondan 25 ming donagacha meva va 3,5 t gacha urugʻ beradi (urugʻida 25% texnik moy bor). Dumbul mevalari ovqatga ishlatiladi, pishgan mevalaridan (ishlov berilganidan keyin) yuvinish uchun mochalka va poyabzal materiali olinadi. Yetishtirish texnologiyasi bosh-qa qovokdoshlarni yetishtirish texnologiyasi ga oʻxshash.

---

Lotin alifbosida maqola: LYUFFA haqida to'liq ma'lumot kategoriyasi: L harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)