KOʻPBURCHAK

KOʻPBURCHAK — uchtadan kam boʻlmagan chekli sondagi kesmalardan iborat yopiq siniq chiziq; bunda chiziqning ketma-ket keluvchi har uchta uchi bir toʻgʻri chiziqda yotmasligi shart. Bir tekislikda yotuvchi Koʻpburchakning tashkil qiluvchi kesmalari uning tomonlari deyiladi. Koʻpburchak tomonlari kesishmasa, u sodda Koʻpburchak deyiladi. Har qanday sodda Koʻpburchak tekislikni ikki sohaga ajratadi. Koʻpburchakning umumiy uchga ega boʻlgan tomonlari qoʻshni tomonlar deyiladi. Sodda Koʻpburchak uchidan chiquvchi va ikkita qoʻshni tomonlarni oʻz ichiga oluvchi nurlar hosil qilgan burchak ichki soha b-n kesishsa, unga Koʻpburchak burchagi deb ataladi. Sodda p ta burchakli Koʻpburchak burchaklari yigʻindisi 180° (l—2) ga teng boʻladi. Agar Koʻpburchak uning ixtiyoriy bitta tomonini oʻz ichiga oluvchi toʻgʻri chiziqning bir tomonida yotsa, u qanariq K. deyiladi. Sodda K. ning hamma burchaklari oʻzaro kongruent va hamma tomonlari uzunliklari teng boʻlsa, u muntazam K. deyiladi. Har qanday muntazam K. uchun ichki va tashqi chizilgan aylanalari mavjud boʻladi.

---

Lotin alifbosida maqola: KOʻPBURCHAK haqida to'liq ma'lumot kategoriyasi: K harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)