OʻGʻUZNOMA

«OʻGʻUZNOMA» — turkoʻgʻuz shajarasi va ularning afsonaviy hukmdori Oʻgʻuz xoqon haqidagi epik yodgorlik; kitobiy epos. Uygʻur yozuvida bitilgan. Asarning asl nusxasi taxm. 15-asrda koʻchirilgan, Parij kutubxonasida saqlanadi. «Oʻgʻuznoma»ning turli variantdagi versiyalari bor. Uning eng koʻp tarqalgan varianti Abulgʻozi Bahodirxonning «Shajarayi turk» (1669) asarida saqlangan. «Oʻgʻuznoma» koʻp tillarga, jumladan, nemis (Doyes, 1815), rus (V. V. Radlov, 19-asrning oxiri; A. M. Shcherbak, 1959) va boshqalar tillarga tarjima qilingan. «Kitobi dadam Qoʻrqut»ning ham bir bobi «Oʻgʻuznoma» nomi bilan ataladi.

---

Lotin alifbosida maqola: OʻGʻUZNOMA haqida to'liq ma'lumot kategoriyasi: O' harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)