ShEROZIYEVA

ShEROZIYEVA Gulxon (1920.10.1, Chimboy shahri 1978.18.1, Nukus) — Oʻzbekiston xalq artisti (1957). 1936-yildan Qoraqalpoq davlat musiqali drama va komediya teatri aktrisasi. J. Oymurzayevning «Oʻzingdan chiqqan baloga…» asaridagi Anorgul Sheroziyevaning sahnada yaratgan ilk obrazidir. Sheroziyeva xarakterli rollar ustasi boʻlib, milliy ruh, milliy nutq talaffuziga alohida eʼtibor berish, lirik nafosat, samimiylik ijodiga xos. Gulsara (K. Yashin, «Gulsara»), Oypar (M. Daribayev, «Koʻklen botir»), Gulparchin N(. Dovqorayev, «Alpomish»), Oysanam, Oysuluv (S. Xoʻjaniyozov, «Suymaganga suykanma», «Oʻzboshimcha shoh»), Hurliman (J. Oymurzayev, «Berdaq»), Shohsanam (A. Begimov, T. Ollanazarov, «Oshiq Gʻarib»), Osiyo (U. Xojibekov, «Arshin mol olon»), Tozagul (R. Majidov, «Qora yuraklar»), Jibek (G. Musrepov, «Qiz Jibek») kabi rollari bilan qoraqalpoq teatr sanʼatida salmoqli oʻrin egalladi. Sheroziyeva kuchli ovoz sohibasi boʻlib, «Dembermes», «Odingnan», «Avezim» kabi qoʻshiqlar va, ayniqsa, xalq qoʻshiqlarini mohir ijrochisi boʻlgan. Berdaq nomidagi Qoraqalpogʻiston Davlat mukofoti laureati (1967).

---

Lotin alifbosida maqola: ShEROZIYEVA haqida to'liq ma'lumot kategoriyasi: SH harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)