TANNIN

TANNIN (frans. tanner — terini oshlash) — oʻsimliklarda koʻplab uchraydigan fenolli birikma. T. — amorf ochsariq kukun. Suvda, glitserinda, sirka efirida eriydi. Suvdagi eritmasi — kolloid eritma, kislotali reaksiyaga ega, polyarizatsiya tekisligini oʻngga buradi. Oqsillar va baʼzi tabiiy polimerlar (sellyuloza, pektin moddalari) bilan mustahkam bog hosil qiladi. «Tannin» termini dastlab (18-a. oxirida) suvdagi eritmasi xom terini oshlash xossasiga ega boʻlgan oʻsimlik moddalari aralashmasiga aytilgan. Tanninga tabiatda uchraydigan, mol. m. 500 dan 3000 gacha boʻlgan (tarkibida fenolli gidroksil guruh soni koʻp boʻlgan) birikmalar kiradi.

Tannin teri oshlashda, boʻyoqchilikda xurush sifatida va tibbiyotda qoʻllanadi.

---

Lotin alifbosida maqola: TANNIN haqida to'liq ma'lumot kategoriyasi: T harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)