ФОБ, франко борт (инг. FOB, free on board) — халқаро савдода товарларни етказиб бериш шартларидан бири, айнан «кемада эркин» маъносини билдиради. Бу шартга кўра, сотувчи ўз ҳисобидан товарни кема бортига етказиб (ортиб) беради ва (ФАСдан фарқ қилган хрлда) экспорт божларини тўлайди; харидор эса кемани ўз ҳисобидан ёллаши, товар ҳақини тўлаши, етказиб берилганидан кейин товарни ташиб беришни таъминлаши лозим.