ДРЕНАЖ ОҚИМИ

ДРЕНАЖ ОҚИМИ — муайян вақт давомида мелиорацияланадиган майдондан коллектор-дренаж тармоғи (ёки унинг қисмлари) орқали чиқариб юбориладиган сув ҳажми (ёки сарфи); л/с, м3/с, м3/ га билан (ой, йил ва б. учун) ифодаланади. Дренаж оқими миқдори грунтнинг сув ўтказиш имконияти, майдонни дренажлаш даражаси, коллектор-дренаж тармоғи чуқурлиги, грунт сувларининг тўйиниш шароити, дренаж: оқими модули микдори ва б. омилларга боғлиқ. Суғорма деҳқончилик зоналари учун ерларнинг қулай мелиоратив ҳолатини таъминловчи Дренаж оқими миқдори сугоришга берилган сувнинг 15—35% ини ёки йилига 1,5—10,0 м3/га ни ташкил этади (қ. Ерларнинг мелиоратив ҳолати). Дренажни лойиҳалашда Дренаж оқими турли усуллар билан аникла-нади. Ўртача йиллик ва ўртача ойлик Дренаж оқими миқдори сув баланси ҳисоблари асосида топилади. Ишлаб турган коллектор-дренаж тармоғи тизимларида Дренаж оқими гидрометрик постларда сув сарфини ўлчаб ёки оқим модули миқдорини топиш мақсадида унинг айрим элементлари ишини ўрганиш йўли б-н аниқланади.

---

Кирилл алифбосида мақола: ДРЕНАЖ ОҚИМИ ҳақида тўлиқ маълумот категорияси: Д ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)