КЕНДАЛЛ (Kendall) Эдвард Калвин (1886.8.3, Саут-Норуолке, Коннектикут штати — 1972.4.5) — америкалик биокимёгар. Фалсафа фанлари д-ри (1910). Миннесот (1921—51) ва Принстон унти проф. (1952 й. дан). Асосий илмий ишлари буйрак усти безлари пўстлоғи гормонларини ўрганишга оид. Қалқонсимон безнинг асосий гормони-триоксинни ажратиб олган (1914). Кортизон олиш усулини топган (1941 — 48) ва уни саноатда и. ч. га татбиқ этган. Нобель мукофоти лауреати (1950, Ф. Хенч ва Т. Рейхштейн б-н ҳамкорликда).