МЕТЧИК

МЕТЧИК — тешикларда винтсимон резьба (ариқча) очиш (қирқиш) учун мўлжалланган металл қирқиш асбоби. Метчикнинг бир учи кесувчи тиғлари (қирралари) бўлган цилиндрик валикдан, иккинчи учи станок патронига ёки қисқичга маҳкамлашга мўлжалланган қуйруқдан иборат.

Асосий хиллари: дастаки Метчик (қўлда резьба очиш учун); гайка М. ги (икки томони очиқ тешикларда резьба очиш учун); машина М. ги (пармалаш станокларида, автомат ва махсус агрегат станокларида, асосан, бир томони берк тешикларда резьба очиш учун); станок Метчик ги (гайка қирқиш станокларида икки томони очиқ тешикларда резьба очиш учун); автомат Метчик (гайка қирқиш станокларида резьба очиш учун) ва б. Улар легирланган асбобсозлик пўлати ва тезкесар пўлатдан ясалади.

---

Кирилл алифбосида мақола: МЕТЧИК ҳақида тўлиқ маълумот категорияси: М ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)