НЎХАТГУЛ

НЎХАТГУЛ (Lathyrus odoratus L.) – дуккакдошлар оиласига мансуб бир йиллик сертук ўт. Бўйи 15—60 см. Пояси камшох, бандининг учи жингалак; жингалаклари ёрдамида бошқа ўсимликларга илашиб ўсади. Барги узун банд-ли, жуфт япрокли. Гули зигоморф, кат-талиги 2—3 см, ранги оқ, пушти, қизил, ҳиди ўткир, узун гулбандга 1 — 3 тадан ўрнашган. Меваси ингичка (уз. 25—50 мм) сертук дуккак. Ҳар бир дуккагида 4—6 тадан шарсимон уруғи бор. Апр. дан совуқ тушгунга қадар гуллаб уруғлайди. Асосан, тоғ ён бағирлари, дарё ўзанлари, водийлар, баҳорикор ерларда ўсади. Иссиқхоналарда ҳам етиштирилади, авг. да экилганда январда гуллайди.

---

Кирилл алифбосида мақола: НЎХАТГУЛ ҳақида тўлиқ маълумот категорияси: Н ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)