ТОБОЛ

ТОБОЛ — Қозоғистоннинг Қўстанай вилояти, РФнинг Курган ва Тюмень вилоятларидаги дарё. Иртишнинг чап ирмоғи. Уз. 1597 км. Ҳавзасининг майд. 426 минг км2. Тўрғай платосидан бошланиб, асосан, Ғарбий Сибирь текислигидан ўтади. Асосий ирмоклари: чапда — Уй, Исеть, Тура, Тавда; ўнгда — Убаган. Асосан, қордан тўйинади. Окт. —нояб. да музлаб, апр. —майда музи эрийди. Ёғоч оқизилади. Қуйилиш жойидан 437 км масофада кема қатнайди. Ўртача сув сарфи қуйилиш жойида 805 м3/сек. Тобол бўйида Лисяковск, Рудний, Қўстанай, Курган, Ялуторовск ш. лари бор. Т. да (сув билан таъминлаш ва суғориш учун) сув омборлари қурилган.

---

Кирилл алифбосида мақола: ТОБОЛ ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)