ТОЖИЕВ Мирсодиқ Маҳмудович

ТОЖИЕВ Мирсодиқ Маҳмудович (1944.25.3 Тошкент 1996.8.6) композитор, Ўзбекистонда хизмат кўрсатган санъат арбоби (1981). Тошкент консерваториясини тугатган (1970). Тошкент мусиқа билим юртида ўқитувчи (1965—70), «Гўзал» ва «Шодлик» ансамбллари, Ўзбек давлат филармонияси бадиий раҳбари (1971—1979), Ўзбекистон бастакорлар уюшмаси раиси (1982—1987), Тошкент консерваторияси ўқитувчиси, доцент (1971 — 1996). Тожиев ўзбек мусиқа мероси (жумладан, мақом анъаналари) негизида бадиий етук асарлар яратишга муваффақ бўлган. Тожиев ўзининг 3, 9, «Сомон йўли» трилогияси (15—17) ва «Қаҳрамонлик» (19) симфониялари билан миллий симфонизм ривожига катта ҳисса қўшган. Шунингдек, «Шоир муҳаббати» симфоник поэмаси, камер оркестр учун ёзилган 7, 8, 12, 18симфониялари, «Ўзбекистон» поэмафахрия (Б. Бойқобулов), «Кўҳна Самарканд юраги» нурлитовушли мусиқали панорама каби асарлари машҳур. Тожиев яратган мусиқийсаҳнавий асарлари орасида «Чоллар ва кампирлар» (Ҳ. Шарипов), «Қайдасан, жон болам» мусиқали комедиялари, «Кумуш» (Абдулла Кодирийнинг «Ўтган кунлар» романи асосида) операси ва б. Камер мусиқа, халқ чолғулари оркестри учун «Тантана», «Сарафроз» ва б. асарлар муаллифи. «Композитор Мирсодиқ Тожиев» ҳужжатли фильми суратга олинган (2000, реж. А. Фатхуллин). Айрим асарлари грампластинкаларга ёзилган, 3(М., 1989), 7—8(Т., 1986) симфониялари нашр этилган.

---

Кирилл алифбосида мақола: ТОЖИЕВ Мирсодиқ Маҳмудович ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)