ТОШДАРАХТ

ТОШДАРАХТ, қатранғи, туғдона (Celtis L.) — қайрағочдошлар оиласига мансуб барг тўкадиган, доим яшил дарахтлар туркуми. Бўйи 10 м дан ошади. Шохлари қўнғир ёки қизғишқўнғир. Барг пластинкаси тухумсимон, тишли, юзасида 3 та томири бор, уз. 3—7 см, эни 2—4 см. Гуллари кўримсиз, полигам, гулкосаси оддий, 5 бўлакли. Меваси — данакча, қўнғир ёки тилларанг. Апр. да гуллаб, сент. да уруғлайди. Шим. ва Жан. ярим шарларнинг тропик ва қурғоқчил минтақаларида 50 га яқин тури маълум. 2 тури — Кавказ Т. и (С. caucasica Wild.), бўйи 20 м ча, барги кулрангяшил, момиқли, Кавказ ва Ўрта Осиёда усади; силлиқ Тошдарахт (С. glabrata) — бўйи 4—6 м, Қрим ва Кавказнинг тошли қуруқ қояларида тарқалган. Асосан, тоғлардаги йирик ва чағир тошли ёнбағирларда ўсади. Тошдарахт кўкаламзорлаштириш учун экилади. Меваси ейилади, ёш барги молларга берилади, пўстлоғидан ошловчи моддалар олинади. Ёғочи қаттиқ, мустаҳкам, дурадгорлик ва ускунасозликда ишлатилади.

---

Кирилл алифбосида мақола: ТОШДАРАХТ ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)