ВАТТО

ВАТТО (Watteau) Антуан (Жан Антуан) (1684.10.10, Валансьенн, француз Фландрияси — 1721.18.7, Ножан-сюрМарн, Париж яқинида) — француз рассоми, француз реалистик санъатининг асосчиси. 1717 й. да «Қиферу оролига зиёратга» (Лувр, Парижда) йирик асари учун акад. унвони берилган. Ватто ижоди француз рангтасвири, графикаси ва безак санъати ривожининг янги босқичини бошлаб берди, асарларига алоҳида ишқий ва жўшқин эҳтирослар олиб кирди («Бивуак», «Суғур кўтарган савояр», 1716 ва б.). В. илк бор санъатда истеҳзо ва куюнчаклик билан йўғрилган нозик руҳий ҳолатларни акс эттирди («Венеция байрами», «Муҳаббат тантанаси» ва б.). В. мероси (айниқса безак нафосати б-н) рококони услубий йўналиш сифатида ривожланишига замин яратди.

---

Кирилл алифбосида мақола: ВАТТО ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)