ВЕНГЕР МУСКАТИ

ВЕНГЕР МУСКАТИ, Ванилия, Мускат де Жезю, Мускат крокан, Мускат Примави — келиб чиқиши номаълум бўлган хўра-ки ва винобоп узум нави. Евросиёнинг узумчллик ҳудудларида тарқалган. Россиянинг жан., Ўзбекистон, Козоғистон ва Кирғизистонда р-нлаштирилган. Тупи ўртача ўсади. Гули икки жинсли. Барги ўртача (диаметри 15—16 см), тўгарак, кам кертикли. Беш бўлакчали, тўқ яшил. силлиқ, туксиз, чети арратишли, барги шапалоғи асосининг (барг бандита яқин қисми) кенглиги б-н бошқа мускат навларидан ажралиб туради. Узум боши ўртача (бўйи 15—17 см, эни 9—11 см), цилиндр-коннуссимон, ўртача тиғиз, оғирлиги 180 — 200 г. Ғужуми ўртача (17—18 мм), думалоқ, оқяшил, сершира, эти карсиллайди, хушбўй мускат ҳиди келиб туради. Ҳосили куртак ёзишдан бошлаб фаол ҳарорат йиғиндиси 2700—2900° да 140—150 кунда (авг. нинг иккинчи ярмида) пишади. Таркибида 25—26% қанд бор. Ҳосилдорлиги 80—130 ц/га. Бу нав енгил, унумдор тупроқларда яхши ўсиб, мўл ҳосил беради. Со-вуққа, касаллик ва зараркунандалар-га чидамсиз. Асосан, Самарқанд, Сирдарё ва Тошкент вилоятларида тарқалган.

---

Кирилл алифбосида мақола: ВЕНГЕР МУСКАТИ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)