ВИДЕОФИЛЬМ

ВИДЕОФИЛЬМ — видеомагнит лентаси (тасмаси)га (киноплёнкага эмас) ёзилган фильм. Бадиий, илмий-оммабоп, ҳужжатли-публицистик, хроникал ва б. турлари мавжуд. Гарчанд кинофильмга оид хусусиятларни ўз ичига олсада, эстетик ва технологик и. ч. жиҳати билан ундан фарқ қилади. Mac, суратга олишнинг кўп камерали услубини қўллаш; электронли монтаж қилиш; ҳар қандай мураккаб кадр олишга имкон берувчи ўзига хос устунлиги; магнит тасмасига ўчириб бир неча бор қайта ёзиш мумкинлиги ва б. В. 20-а. нинг 50-й. лари Европа телевидениесида пайдо бўлиб, кейинчалик кенг тарқалган. Ўзбекистонга Видеофильм 70-й. лар кириб келди. Илк бор кўп қисмли Видеофильм («Улуғбек хазинаси») 1972 й. намойиш килинган. Кейинчалик «Диёнат», «Гирдоб», «Алишер Навоий», «Бобур», «Кеча ва кундуз», «Сўнгги ўқ», «Кўнгил кўчалари», «Домла»: «Чархпалак», «Шайтанат» каби Видеофильмлар кўрсатилди. Амир Темур таваллудининг 660 й. лиги муносабати билан «Буюк Амир Темур» бадиий фильми билан бир каторда 6 қисмли бадиий, туркум хужжатли ва илмий-оммабоп Видеофильмлар яратилди. Шунингдек, Гёте, Байрон, Стендаль каби мумтоз адабиёт вакилларининг асарлари ҳам Видеофильм сифатида кўрсатилди. Ўзбекистонда реж. лардан Ҳ. Алиев, Ҳ. Қаҳрамонов, М. Мирзааҳмедов, М. Маҳкамов, М. Муҳамедов, Ю. Розиқов В. лари машҳур.

Анвар Ёқубхўжаев.

---

Кирилл алифбосида мақола: ВИДЕОФИЛЬМ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)