ВИРГИНИЯ

ВИРГИНИЯ, Виржиния — АҚШ нинг шарқий қисмидаги штат. Атлантика океани соҳилида. Майд. 105,7 минг км2. Аҳолиси 6,5 млн. дан зиёд киши (1990-й. лар ўрталари). Аҳолининг қарийб 47% шаҳарларда яшайди. Маъмурий маркази — Ричмонд ш. В. нинг ғарбида бал. 1743 м гача бўлган Аппалачи тоғ тизмалари, ўрта қисмида Пидмонт платоси, шарқида ботқоқли Атлантика бўйи пасттекислиги бор. Янв.-нинг ўртача т-раси — Г дан 5° гача, июлники 23—26°. Йилликёғин 1000 мм. Игна баргли ва аралаш ўрмонлар бор.

Виргиния индустриал-аграр штат. Тошкўмир, табиий газ ва қурилиш материаллари қазиб чиқарилади. Саноатининг асосий тармоқлари: кимё (сунъий тола, ўғит, портловчи моддалар и. ч.), электротехника, радиоэлектроника, тамаки, озиқовқат, ип газлама, ёғочсозлик, кемасозлик. Энг йирик саноат маркази — Роанок ш. Порт шаҳарлари — Норфольк, Портсмут, Ньюпорт-Ньюс, Данвилл. Ер-сув асосан йирик фермер хўжаликлари қўлида. Виргиниянинг ер юзасида эрозия жараёни кучли бўлганидан экинзорларнинг бир қисми яроқсиз бўлиб қолган. Боғдорчилик ва полизчилик ривожланган. Муҳим экинлари: тамаки, буғдой, маккажўхори, ер ёнғоқ, пахта. Қ. х. товар маҳсулотининг қарийб ярми чорвачиликдан олинади. Кўпроқ қорамол, парранда ва чўчқа боқилади. Балиқ овлаш ҳам ривожланган. Виргиниянинг Атлантика океани соҳилидаги Хэмптон-Роде гаванида кемалар қурилади.

---

Кирилл алифбосида мақола: ВИРГИНИЯ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)