ВИРУЛЕНТЛИК

ВИРУЛЕНТЛИК (лот. virulentus – заҳарли) — микроорганизмларнинг касаллик қўзғатиши. Вирулентлик фақат касаллик қўзғатувчи (патоген) организмлар турларига хос бўлиб, патоген тур бир ёки бир гуруҳ биотиплар, ўсимлик нави ёки ҳайвон зотида танлаб касаллик қўзғатиш хусусияти билан белгиланади. Мас., вилт касаллигини қўзғатувчи вертициллиум авлодига мансуб V. dahliae Kleb. замбуруғи кўпгина экинлар учун вирулент ҳисобланиб, уларнинг сўлишига сабаб бўлади. Ўзбекистонда ўтказилган тадқиқотлар асосида тупроқда вертициллиум замбуруғининг 2 ирқи мавжудлиги ва улар, айниқса экиладиган ғўза навлари ва полиз экинлари учун вирулент эканлиги аниқланди. Mac, замбуруғнинг 2-ирқи «Тошкент» типидаги ғўза навларига, 108-Ф, С-4727 ва б. навларга, 1-ирқи эса 108-Ф типидаги навларга вирулентдир. Патогеннинг Вирулентлик хусусияти ўсимликка касалликни сунъий юқтириш билан ёки табиий дала шароитларида аниқланади. Вирулентлик организмнинг қаршилик кўрсатиш қобилиятига боғлиқ (қ. Патогенлик).

Валерий Сеноедов.

---

Кирилл алифбосида мақола: ВИРУЛЕНТЛИК ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)