ВИТОЛ Язеп (Витоль Иосиф Иванович) [1863.14(26). 7, Валмиера — 1948.24.4, Любек) — латиш композитори, мусиқашуноси ва педагог; латиш миллий композиторлик мусиқаси асосчиларидан. 1886 й. да Петербург консерваториясини тамомлаб шу ерда 1918 й. гача дарс берган (1901 й. дан проф.). 1919 й. да Латвия консерваториясига асос солган (1944 й. гача шу консерваториянинг ректори ва проф. бўлган). Витолнинг хор асарлари, романс ва қўшиқлари, фортепиано пьесалари, «Лиго байрами» (1889), «Драматик увертюра»си (1895), «Қимматбаҳо тошлар» (1924), «Куз қўшиғи» (1928) каби симфоник асарлари машҳур.