ВИТТИГ (Wittig) Георг (1897.16.61987.26.8) — немис органик кимёгари. Тадқиқотлари мураккаб ва танқис органик бирикмалар синтезига бағишланган. Фениллитий таъсирида оддий эфирларнинг спиртларга қайта гуруҳланишини асослаган (1942, Виттиг қайта гуруҳланиши). Пентафенилфосфорни синтез қилган (1952). Карбонил бирикмалар ва алкилиденфосфоранлардан олефинлар олиш реакциясини кашф этган (қ. Виттиг реакцияси, 1954).
Трипиенценни синтез қилган (1956). ЯНР усули билан ароматик пропелланнинг тузилишини аниқлаган (1971). Нобель мукофоти лауреати (1979, Г. Ч. Браун билан ҳамкорликда).