ВИТГИГ РЕАКЦИЯСИ — альдегидлар ёки кетонларга фосфор илидлари (алкилиденфосфоранлар) таъсир эттириб олефинлар олиш. Г. Виттиг кашф этган (1954). Бу реакция учун, одатда, янги тайёрланган илидлардан фойдаланилади. Уларни трифенилалкилфосфонийга литийорганик бирикмалар ёки гексаалкилтриамидоалкилфосфонийга ишқорлар таъсир эттириш усули билан олинади. Витгиг реакцияси нозик органик синтезда, мас., бошланғич бирикмадагидан бир атом углероди кўп бўлган альдегидлар, шунингдек, полиенлар, гетероциклик бирикмалар олишда кенг қўлланилади.