ВЛАСОВА Нина Александровна (1930.5.5, Воронеж вилояти, РФ) — биолог-ботаник. Ўзбекистан ФА акад. (2000), биол. фанлари д-ри (1975). Ўрта Осиё ун-тининг биол.-тупроқшунослик ф-тини тамомлаган (1951). Ўзбекистон ФА Ўсимликлар экспериментал биол. си ин-тида илмий ходим, катта илмий ходим (1957-82), пахта толасининг ривожланиш биол. си лабораторияси раҳбари (1982—95). Илмий ишлари селекция мақсадларида турли геномли гуза навларини эмбриологик, цитологик ва анатомик тадқиқ этиш, чигитда тола ва тукларнинг ҳосил бўлиши ва ривожланиши масалаларига бағишланган.