ВОЛГОГРАД ТРАКТОР ЗАВОДИ (1961 й. гача Сталинград трактор заводи, СТЗ) — собиқ Иттифоқ тракторсозлик саноатининг энг йирик ва дастлабки корхонаси. Волгоград ш. да жойлашган. 1930 й. ишга туширилган. 1942 й. гача СТЗ-1, СТЗ-5. СТЗ-8 ғилдиракли тракторлар ишлаб чиқарган. Уруш даврида ҳарбий техника ва қурол-аслаҳа тайёрлаган. 1943 й. завод бутунлай вайрон этилган. 1944 й. да з-д қайта тикланиб, гусеницали (занжирли) тракторлар (ДТ-54, ДТ-55 ва б.) и. ч. га мослаштирилган.
Ҳоз. вақтда қ. х. да кенг қўлланадиган ДТ-75 тракторларини ишлаб чиқаради (қ. Тракторсозлик). 3-дда ишлаб чиқарилган тракторлар 90-й. ларнинг ўрталаригача Ўзбекистон қ. х. машина-трактор паркининг асосий қисмини ташкил этган.