ВОЛИНЬ ВИЛОЯТИ

ВОЛИНЬ ВИЛОЯТИ — Украинанинг шим.-ғарбидаги вилоят. 1939 й. 4 дек. да тузилган. Майд. 20,2 минг км2. Аҳолиси 1071 минг киши (1999), шаҳарликлар 49%. 11 шаҳар, 21 шаҳарча бор. Маркази — Луцк ш.

Волинь вилоятининг кўп қисми Полесье пасттекислигида, озроқ (жан.) қисми Волинь қирларининг шим.-ғарбида жойлашган. Фойдали қазилмалари: тошкўмир, торф, бўр, гил, қум, оҳактош, мергель. Иқлими мўътадил континентал. Июлнинг ўртача т-раси 18,6°, янв. ники —4,5°. Йилига 550—600 мм ёғин ёғади. Вегетация даври 200 кун. Дарёлари: Припятнинг бош қисми ва унинг ўнг ирмоқлари. Тупроғи чимли подзол ва қрратупроқ. Ҳудудининг ‘/5 кисми ўрмон, ‘/4 кисми ботқоқлик.

Озиқ-овқат (шакарқанд, гўшт), машинасозлик (автомобилсозлик, приборсозлик, қ. х. машиналари, подшипниклар ва б.) саноати етакчи ўринда. Львов-Волинь ҳавзасида кўмир қазиб чиқарилади. Ўрмон ва ёғочсозлик саноати корхоналаридан тахта тилиш з-длари (Цумань. Заболотье, Киверци), ёғочсозлик (Киверци), мебель к-ти (Цумань) ва кимё-ўрмон хўжаликлари (Луцк, Ковель), енгил саноат тармоқларидан тикувчилик ва пойабзал ф-калари (Луцк, Владимир-Волинский ва Ковель) бор. Донли экинлар (кузги буғдой, гречиха, арпа, маккажўхори), техника экинлари (қанд лавлаги, толали зиғир), сабзавот, картошка экилади. Сутгўшт чорвачилиги ва чўчқачилик асосий ўрин тутади. Қўй ва эчки ҳам боқилади. Стирь дарёсида кема қатнайди.

---

Кирилл алифбосида мақола: ВОЛИНЬ ВИЛОЯТИ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)