IPAKCHILIK STANSIYASI

IPAKCHILIK STANSIYASI, pillachilik stansiyasi — ipak kurti zotini yaxshilash va elita tuxumlar yetishtirish b-n shugʻullanadigan muas-sasa. Elita tuxum tayyorlashning 3 yillik sxemasi ishlab chiqilgan. Birinchi yili eng yaxshi qurt tuxumlari alohida tanlanib, ulardan chiqqan qurtlar boqiladi va superelita hamda elita pillalar ajratilib, tuxumlari olinadi; ikkinchi yili superelita xoʻjaliklarida shu tuxumlar ochiriladi va qurt boqiladi, olingan pillalar superelita sexiga topshiriladi. Bu sexda qurtlari bir tekisda rivojlangan, hosili va sifati yaxshi pillalardan superelita tuxum tayyorlanadi. Uchinchi yili superelita tuxumlardan st-ya xoʻjaliklarida qurt boqilib, pillalari st-yaning elita sexiga topshiriladi. Bu yerda ipak qurti tuxumi z-dlari uchun elita tuxum tayyorlanadi.

Oʻzbekistonda Andijon, Fargʻona, Samarkand sh. larida pilla naslchilik I. s. lari faoliyat koʻrsatadi (2002).

---

Lotin alifbosida maqola: IPAKCHILIK STANSIYASI haqida to'liq ma'lumot kategoriyasi: I harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)