NISBIYLIK NAZARIYASI

NISBIYLIK NAZARIYASI — fazo va vaqtning xar kanday fizik jarayon uchun oʻrinli boʻlgan xususiyatlari haqidagi hoz. zamon fizika taʼlimoti. A. Eynshteyn yaratgan Nisbiylik nazariyasi 2 kiyemdan: maxsus Nisbiylik nazariyasi va umumiy Nisbiylik nazariyasidan iborat boʻlib, maxsus Nisbiylik nazariyasi 1905-y. da, umumiy Nisbiylik nazariyasi 1916-y. da nihoyasiga yetkazilgan.

Fazo va vaqt hakidagi tushunchalar turli davrda turlicha boʻlgan. Klassik fizikada vaktning fazo bilan materiyaga hech kanday dahli yoʻk. Fazo va vaqt hakidagi klassik mexanika taʼlimotini Galiley nisbiylik prinsipi asosida matematik ravishda ifodalash mumkin. Fazoning anik nuktasida aniq vaqtda roʻy beruvchi hodisani voqea deyiladi. Mexanik hodisalar barcha inersial sanoq sistemalarda bir xil roʻy beradi, demak, harakat tenglamasining yozilish shakli barcha inersial sanoq sistemalarda bir xildir. Bu xususiyat Galiley almashtirishlariga nisbatan Nyuton harakat tenglamasining invariantligi deyiladi.

Nisbiylik nazariyasiga koʻra, fizik jarayonlarda fazo va vaqt xususiyatlari uzaro bogʻliqdir. Fazo va vaqtning uzaro bogʻlanishi harakat tufaylidir. Jism turli harakatda ekan, fazo va vakt xususiyatlari ham turlichadir. Maxsus Nisbiylik nazariyasi uchun 2 prinsip (asosiy qonun) zamin hisoblanadi: birinchisi nisbiylik prinsipы, ikkinchisi yorugʻlik tezligining doimiyligidir. Nisbiylik prinsipiga asosan, fizik qonuniyatlarni ifo-dalovchi matematik tenglamalar bir xil koʻrinishga ega, yaʼni ular turli inersial sanoq sitemalarga nisbatan invariantdir. Ikkinchi prinsipni quyidagicha ifodalash mumkin: yorugʻlikning boʻshliqdagi tezligi barcha inersial sanoq sistemalarda bir xil qiymatga ega boʻlib, yorugʻlik manbaining harakatiga bogʻliq emas.

Gravitatsiya, fazo va vaqt haqidagi hoz. zamon fizik nazariyasi, asosan, A. Eynshteyn tomonidan yaratildi va u u mumiy Nisbiylik nazariyasi nomini oldi. Umumiy Nisbiylik nazariyasining yaratilishida ekvivalentlik prinsipi asos boʻlib xizmat qildi.

Nisbiylik nazariyasidan kelib chiquvchi xulosalar juda koʻp tekshirishlar, kuzatishlar va tajribalar asosida tasdiklangan. Hozirgi kungacha Nisbiylik nazariyasining kamchiliklari mavjudligini koʻrsatuvchi biror dalil yoki tajriba natijalari maʼlum emas.

Ad. Eynshteyn A., Sbornik nauchnыx trudov, t. t. 1—4, M., 1965—67; Bekjonov R., Eynshteyn va nisbiylik nazariyasi, T., 1978.

---

Lotin alifbosida maqola: NISBIYLIK NAZARIYASI haqida to'liq ma'lumot kategoriyasi: N harfi fikringiz bo'lsa izohda qoldiring va do'stlaringiz bilan ulashing biz bundan minatdor bo'lamiz bizni kuzatishni davom eting (u kim, bu nima, qanaqa ?, tushunchasi, degan savolarga javob topishingiz mumkin)