ВАСИЛЕВСКАЯ Ванда Львовна

ВАСИЛЕВСКАЯ Ванда Львовна (1905.21.1, Краков – 1964.29.7, Киев) — поляк ва рус ёзувчиси, жамоат арбоби. Поляк тилида ёзган. Краков ун-тини тугатган (1927). «Шу куннинг қиёфаси» (1934) қиссаси, «Ватан» (1935) романида ишчи ва деҳқонларнинг 20-а. бошларидаги ҳаёти, 2-жаҳон урушидаги халқ қаҳрамонликлари мадҳ этилган. Василевская «Камалак» (1942), «Чин муҳаббат» (1944), «Чироқ ёнганда» (1946). «Ҳаёт-мамот курашида» (1958) қиссалари, «Сув узра қўшиқ» трилогияси («Ботқоқликдаги олов», 1940; «Кулдаги юлдузлар» 1946; «Дарёлар ёнмокда», 1951) каби асарлар муаллифи. «Чин муҳаббат» асарини Асқад Мухтор ўзбек тилига таржима қилган (1947).

---

Кирилл алифбосида мақола: ВАСИЛЕВСКАЯ Ванда Львовна ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)