ВЕЙМАР

ВЕЙМАР — Германиядаги шаҳар, Тюрингия ерида. Ильм дарёси бўйида (Эльба ҳавзаси). Аҳолиси 60 минг кишидан зиёд (1990-й. лар ўрталари). Транспорт йўллари тугуни. Комбайн, аниқ ўлчов асбоблари з-ди, полиграфия корхоналари бор; кимё, қоғоз, озиқ-овқат саноати ривожланган.

Шаҳар илк бор 975 й. дан тилга олинган. 1573 й. дан герцоглик, 1815 й. дан Саксен-Веймар-Эйзенах Буюк герцоглиганинг (1918 й. гача) бош шаҳри. 18-а. 2-ярми — 19-а. бошларида Германия маорифи маркази. Ф. Лист номидаги консерватория, пед. ин-ти; Гёте миллий музейи, Шиллер уй-музейи, Миллий театр бор. 16—18-а. ларДа қурилган меъморий ёдгорликлар сақланган: Герцог саройи (1790—1803 й. ларда қайта қурилган). Бельведер саройи (1726—32), Меъморий ва қурилиш олий мактаби (1904—07) ва б. 2-жаҳон уруши йилларида Веймар яқинида энг йирик концлагерлардан бири Бухенвальд барпо этилган эди. Веймар даИ. С. Ја*(1703 ва 1708-17), К. М. Виланд (1772-1813), И. В. Гёте (1775-1832), И. Г. Гердер (1776-1803), И. Ф. Шиллер (17991805), Ф. Лист (1848-61) яшаганлар ва ижод қилганлар.

---

Кирилл алифбосида мақола: ВЕЙМАР ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)