ВИБРАЦИЯ МАШИНАСИ

ВИБРАЦИЯ МАШИНАСИ, титрама машина — иш органи тебранма (титрама) ҳаракатланадиган машина. Тебранишлар (титрашлар) частотаси Гц нинг бир неча улушидан 10 кГц гача, амплитудаси 1 м дан мкм улушларигача бўлган Вибрация машинаси бор. Юритмасининг турига кўра механик, электр, гидравлик, пневматик хилларга; энергияни механик тебранишлар энергиясига айлантириш усулига кўра марказдан қочма, поршенли, кулачокли, кривошин-шатунли, электромагнитли, магнитострикцион, пьезоэлектрик ва б. хилларга; титраш (вибрация) ҳосил қилинадиган спектрал таркибига кура моногармоник (синусоидал), бигармоник, полигармоник тебранишли хилларга; иш органининг нуқталари траекторияси шаклига кўра тўғри чизиқли, доиравий, эллипис, винтсимон йўналишли ва б. хилларга бўлинади. Вибрация машинаси қурилиш, машинасозлик, кон саноати, озиқ-овқат саноати, қ. х., тиббиёт ва б. соҳаларда ишлатилади.

---

Кирилл алифбосида мақола: ВИБРАЦИЯ МАШИНАСИ ҳақида тўлиқ маълумот категорияси: В ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)