ТРОПИК ЦИКЛОН

ТРОПИК ЦИКЛОН — тропиклараа юзага келадиган довул тезлигидаги шамол ва жала ёғинларга бой бўлган паст босимли атмосфера ғалаёни. Тропик циклон иккала ярим шарнинг 5 ва 25° кенглигида содир бўлади. Тропик циклонлар ўрта кенгликлардаги циклонпарга нисбатан кичик кўламли (диаметри 80—1000 км) бўлиб, шамоллари ва муттасил ёғиб турувчи ёмғирлари билан характерланади. Тропик циклоннинг тропик довул (шамол тезлиги 32,6 м/с гача) ва тропик бўрон (шамол тезлиги 80—100 м/с ва ундан юқори) хиллари (қ. Тўфон) мавжуд. Тропик циклон 2 суткадан 3 ҳафтагача давом этади. Ҳар йили Ер юзида 100 дан ортиқ бўлиб, кўпинча ёзнинг охири — кузнинг бошида кузатилади. Ҳалокатли селлар ва момақалдироқлар билан бирга келиб катта вайронагарчиликларга олиб келади. Тропик циклонлар ёзги ярим йилликда тропик конвергенция (бир-бирига ўхшаш) зонаси экватордан анча узоқ тропик океанлар томонига силжиган жойларда келиб чиқади.

---

Кирилл алифбосида мақола: ТРОПИК ЦИКЛОН ҳақида тўлиқ маълумот категорияси: T ҳарфи фикрингиз бўлса изоҳда қолдиринг ва дўстларингиз билан улашинг биз бундан минатдор бўламиз бизни кузатишни давом этинг (у ким, бу нима, қанақа ?, тушунчаси деган саволарга жавоб топишингиз мумкин)