ANTROPOMORFIZM (antropo …va yun. morphe — shakl, koʻrinish) — xudo hamda ilohiy kuchlarni, tabiatdagi narsa, hodisalarni inson qiyofasida tasavvur qilish. Antropomorfizm qad. yunonlar dinida keng tarqalgan edi. Ularning tasavvuricha, xudolar insonga xos xususiyatlarga ega boʻlib, abadiy yashaydi. Antropomorfizm hoz. zamon dinlarining koʻpiga xos boʻlsada, islom va iudaizm (yahudiy) dini uni tan olmaydi. Islomda xudoni insonga oʻxshatib tasavvur etish va odam qiyofasida rasmga tushirish man etilgan.